రైల్వే స్టేషన్‌కు వెళ్లినప్పుడు కొన్ని విషయాలను గమనిస్తుండాలి. మనకు తెలియని విషయాలు ఎన్నో ఉంటాయి. రకరకాల అర్థాలు వచ్చే గుర్తులు, నేమ్‌ బోర్డులు, నెంబర్లు ఇలా ఎన్నో ఉంటాయి. కానీ మనం ఎన్నో సార్లు రైల్వే స్టేషన్‌కు వెళ్లినా.. రైల్లో ప్రయాణించినా పెద్దగా పట్టించుకోము. అయితే ప్రతిరోజు వేల సంఖ్యలో రైళ్లు వివిధ మార్గాల్లో నడుస్తున్నాయి. రైళ్లను గుర్తించడానికి ఈ నంబర్ లేదా 5 అంకెల కోడ్ ఇస్తుంటారు.
రైలు బోగీలపై రాసిన ఈ 5-అంకెల కోడ్‌లోని మొదటి రెండు అంకెలు కోచ్ తయారు చేయబడిన సంవత్సరాన్ని సూచిస్తుంది. తదుపరి మూడు సంఖ్యలు గది వర్గాన్ని సూచిస్తాయి. ఉదాహరణకు మీరు వెళ్లే రైలు కంపార్ట్‌మెంట్‌పై 22358 అని రాసి ఉందనుకుందాం. అంటే 2022లో రైలు బోగీ తయారైందని అర్థం. మీరు వెళ్లే కోచ్ స్లీపర్ కోచ్. ఇప్పుడు చివరి మూడు అంకెలు మీరు ఏ తరగతి గదిలో ప్రయాణిస్తున్నారో సూచిస్తున్నాయి.
అంటే ఏసీలోనో, స్లీపర్‌లోనో, సాధారణ గదిలోనో ప్రయాణిస్తున్నారా అనేది ఈ నంబర్‌ను బట్టి అర్థమవుతుంది. 001 నుండి 025 వరకు – ఈ సంఖ్యలు AC ఫస్ట్ క్లాస్‌ని సూచిస్తాయి. 101 నుండి 150 సంఖ్యలు AC3 టైర్లను సూచిస్తాయి. 151 నుండి 200 సంఖ్యలు కార్‌ చైన్‌లను సూచిస్తాయి. స్లీపర్ క్లాస్‌కు 201 నుంచి 400 నంబర్లు. 401 నుండి 600-సంఖ్యలు సాధారణ కోచ్‌లను సూచిస్తాయి.
అలాగే 601 నుండి 700-సంఖ్యలు రెండవ తరగతి కోచ్‌లను సూచిస్తాయి. కోచ్ చివరి మూడు సంఖ్యలు 800 లేదా అంతకంటే ఎక్కువ ఉంటే, అది మెయిల్, జనరేటర్ లేదా ప్యాంట్రీ బోగీ అని అర్థం.
